Basquetourrek, SPRI - Enpresa Digitalarekin lankidetzan, eskualdekako hiru tailer pilotu presentzial jarri ditu abian turismo-sektoreko profesionalentzat. Helburu nagusia Adimen Artifizial Sortzailerako sarbide praktikoa eta eremu profesionalean duen aplikazioa erraztea da.

Ekimen hau bat dator Basquetourrek Euskadiko turismo-sektorearen gaikuntzarekin eta eraldaketa digitalarekin duen konpromisoarekin. Izan ere, etengabe sortzen ari diren tresnak modu irisgarri eta ulergarrian hurbiltzen ditu, turismo-prozesuak eta -zerbitzuak hobetze aldera.

Tailerrek ChatGPT, Copilot, Gemini eta beste aplikazio batzuen erabilera praktikoa dute ardatz, eta tresna horiek benetako kasuetan nahiz eguneroko lanbide-jardueran duten erabilgarritasuna azpimarratzen dute.

Informazio gehiago eta izen-ematea, Basquetour Learning plataformaren bidez: 

https://learning.basquetour.eus/eu/

Basquetour Learning: maiatzean nabarmendutako prestakuntza berriak

Eskualdekako tailer pilotuez gain, Basquetour Learningek prestakuntza-eskaintza zabaltzen jarraitzen du maiatzean, turismo-sektoreko gaitasun profesionalak, berrikuntza eta jasangarritasuna hobetzera bideratutako ikastaroekin.

Hilabete honetako prestakuntza nabarmenen artean, honako hauek daude:

• Inklusioari buruzko jardunbide egokiak: hotelak, jatetxeak eta bidaia-agentziak.
• Sormena eta ideiak kudeatzeko tresnak.
• NotebookLM: Googleren AA multimodala.
• Gamma.IA: aurkezpen adimendunak Gammatik abiatuta sortzeko.
• Ur-inguruneko jardueren gida.

Prestakuntza horiek sendotu egiten dute Basquetourrek Euskadiko turismo-sektorearen lehiakortasuna hobetzearekin, digitalizazioarekin eta etengabeko gaikuntzarekin duen konpromisoa.