Basquetourrek Euskadiko Turismoaren Kode Etikoaren proiektua aurkeztu dio berriki Costa Bravako eta Gironako turismo-eragile talde bati, Costa Bravako eta Gironako Turismo Patronatuak antolatutako senderismoari eta zikloturismoari buruzko bidaia espezializatu baten esparruan.

Hitzorduak aukera eman zuen Euskadik turismo-eredu etikoago, arduratsuago eta jasangarriagoa sustatzen metatutako esperientzia partekatzeko. Halaber, Turismo Sailak, Basquetourren bitartez, arlo horretan garatzen duen erakundeen arteko lankidetza ezagutarazteko balio izan zuen.

Jasangarritasunean eta ekoturismoan interes berezia zuen taldeak gertutik ezagutu ahal izan zuen turismo-sektore osoa inplikatzea eta enpresen kudeaketan nahiz eguneroko jardunean jardunbide egokiak sustatzea helburu duen proiektua. Ikuspegi horrek lotura estua du mendi-ibiltaritzaren eta zikloturismoaren balioekin, baita lurraldeaz modu errespetuzko eta kontzientean gozatzeko konpromisoarekin ere.

Bisita hau tokiko enpresa espezializatuekin garatzen diren esperientzia-trukerako programen barruan kokatzen da. Halaber, agerian uzten du helmugen artean ezagutza partekatzeak eta sinergiak sortzeak duten balioa, ingurunearekin eta pertsonekin gero eta konprometituagoa eta jasangarriagoa izango den turismo-eredu baterantz aurrera egiteko.