Enfokaturrek, Euskadiko Turismo Behatokiak, IBILTUR AISIALDIA 2025 ikerketari lotutako kontsulta-eduki berriak gaineratu ditu, Euskadin ostatu hartzen duten aisialdiko turisten profilari eta jokabideari buruzko laburpen-fitxak argitaratuz.

Argitaratutako materialak euskaraz zein gaztelaniaz daude eskuragarri, eta aisialdiko turismo-eskariaren ezagutzan sakontzeko bidea ematen dute hainbat ikuspegitatik. Alde batetik, ostatu-helmugen araberako fitxak prestatu dira, Gasteiz, Bilbo, Donostia, Euskal Kosta, Barnealdea eta Arabako Errioxari buruzko informazio espezifikoa eskaintzen dutenak. Bestetik, Araba, Bizkaia eta Gipuzkoa lurralde historikoen araberako fitxak kontsulta daitezke. Horrez gain, bidaiaren motibazio nagusiaren arabera sailkatutako fitxak gehitu dira, aisialdiko turisten profil desberdinen jokabidea aztertzeko aukera ahalbidetzen dutenak.

Laburpen-fitxa horiek bidaiaren funtsezko alderdien ikuspegi sintetiko eta segmentatua eskaintzen dute, eta tresna interesgarriak dira turismo-sektorean azterketak egiteko, planifikatzeko eta erabakiak hartzeko.

Fitxak jadanik Enfokaturren webgunean kontsulta daitezke, eta datozen asteetan, bertan, kontsulta-material berriak gehitzen jarraituko dute.