Estrategia honen bidez, Basquetourrek sektorearekiko harremana sendotzen jarraitzen du, bai eta Euskadiren posizionamendua erreferentziazko helmuga gisa indartzen ere.
Euskadi Basque Country CEAV PROTOUR 2026aren bigarren hitzorduan izan da asteazken honetan, martxoaren 11n, Granadan. Topaketa hori funtsezkoa da bidaia-agentziekin eta estatuko turismo-sektoreko eragileekin harreman profesionalak sendotzeko.
Lan-saio profesionalak negozio-aukera berriak sortzeko eta Euskadiko eskaintza turistikoa sektoreko hainbat eragileren aurrean aurkezteko gunea eskaini du.
Ekitaldiak turismo-industriaren ordezkaritza zabala bildu du; bertan izan dira hegazkin-konpainiak, lurreko garraio-enpresak, aseguru-etxeak, estatuko eta nazioarteko helmugak, hotel-kateak eta turismo-esperientzien erakundeak.
