Euskadiko MICE sektoreak Bordelen antolatutako LaOla B2B topaketa profesionalean hartu du parte. Bertan, Frantziako turismoko enpresa eta profesionalak helmugetan, ostatuetan, agentzia hartzaileetan, kongresu-jauregietan eta bileratarako, pizgarrietarako, kongresuetarako nahiz ekitaldietarako zerbitzuetan espezializatutako konpainien ordezkariekin elkartu dira.

Jardunaldi horrek zuzeneko harremana erraztu du euskal eskaintza turistikoaren eta Frantziako merkatuko bidaia-agentzien, taldeetan nahiz kirol- zein MICE-turismoan espezializatutako turoperadoreen, kluben, enpresa-elkarteen eta bestelako eragileen artean.

Aldez aurretik hitzartutako bilera-egitarau bati esker, parte hartu duten enpresek aukera izan dute euren produktuak eta zerbitzuak aurkezteko, balizko lankidetza-bideak aztertzeko eta Frantziako hego-mendebaldeko profesionalekin harremanak estutzeko.

Bertaratu dira: Bilbao Convention Bureau, S.T.I. Servicios Turísticos Integrales DMC, W2M Bilbao DMC, Basque DMCs, Donostia/San  Sebastian Convention Bureau, Ficoba, Hotel Villa Magalean, Hagoos, Hotel de Londres y de Inglaterra, GS Incoming, Ruta del vino, Bodegas Luis Cañas, Vitoria-Gasteiz Convention Bureau, Artium Museoa eta Gastrogune.

LaOla topaketan parte hartzea Basquetourrek sustatutako ekintzen barruan kokatzen da, honako helburu hauekin: Euskadi nazioarteko merkatuetan MICE helmuga gisa bultzatzea; euskal eskaintza zabalaren merkaturatzea erreztea eta bertako enpresen nahiz profesional espezializatuen arteko harremanak sendotzea.