NatureWatch Araba 2026 topaketak —Euskadin lehen aldiz egin da, Gasteizko Ataria Salburuko Hezeguneen Interpretazio Zentroan egoitza izanik— beste urrats bat eman du jasangarritasunarekiko duen konpromisoan. Eusko Jaurlaritzako Turismo Sailak —Basquetourren bitartez— eta Arabako Foru Aldundiak elkarrekin antolatutako ekitaldiak osorik kalkulatu eta konpentsatu ditu ospakizunean sortutako 3 tona CO₂ baliokideak osorik kalkulatu eta konpentsatu ditu. Hala, Klima Aldaketari buruzko Nazio Batuen Esparru Hitzarmenak (UNFCCC) emandako Borondatezko Ezeztatze Ziurtagiria nahiz Carbono Gestiónek emandako "2026ko Karbono Aztarna Kalkulatua" zigilua eskuratu ditu.

Ekitaldi baten karbono-aztarna neurtzea ez da gardentasun-ariketa huts bat: ezinbesteko lehen urratsa da hurrengo edizioetan aztarna hori modu eraginkorrean murriztu ahal izateko.

Murriztu ezin diren isuriak kuantifikatu ostean, antolakuntzak osorik konpentsatu ditu Nazio Batuen Garapen Garbiko Mekanismoaren bidez. Horrenbestez, CDM 2470 proiektuan lagundu du: Delhin (India) egunean 200 tona konpostatzen dituen planta bat da, hondakin organikoak kudeatu eta zabortegietan kontrolik gabe deskonposatzea eragozten duena; bide horretatik, atmosferara isurtzen den metanoa murrizten du.

Proiektu hori aukeratu izana ez da halabeharrezkoa: proiektuan laguntzeak Nazio Batuen 2030 Agendako Garapen Jasangarrirako 17 Helburuak lortzen laguntzen du aldi berean, eta, hala, NatureWatchek jasangarritasunaren ikuspegi globalarekin duen konpromisoa indartzen du.