Trapagarango Olaso jauregia kultur etxean egin da astearte honetan, ekainaren 16an, industria-turismoko Bilbao Bizkaia Action Group (BBAG) taldearen bilera tekniko berri bat. Topaketa horren xedea izan da segmentu horrek lurraldean dituen dinamizazio-estrategiak eta etorkizuneko mugarriak ebaluatzea.

Eusko Jaurlaritzako Turismo eta Merkataritza sailburuorde Jakes Agirrezabalak eta Basquetourreko zuzendari Daniel Solanak parte hartu dute jardunaldian, ekintza-taldeko kideekin eta Garraio, Mugikortasun eta Turismo diputatu Sonia Pérez Ezquerrarekin batera.

Lan-saioaren amaiera gisa, bertaratutakoek Larreinetako funikularra bisitatu dute, haren mendeurrenaren ospakizunarekin bat eginez. Jarduera horrek aukera eman du baliabide adierazgarri hori balioesteko, industria-ondare biziaren eredu gisa, bai eta produktu turistiko gisa duen potentziala nabarmentzeko ere.

Topaketa honen bidez, BBAG taldeak berretsi egin du lurraldearen identitatearekin eta baliabideekin bat datorren industria-turismoko eredu jasangarri eta berritzaile bat garatzeko konpromisoa, erakundeen eta funtsezko eragileen arteko lankidetza bultzatuz.